веб сајт

Важноста и вистинската цена на еден веб сајт

Човек би помислил дека денес секој е свесен за важноста што ја има веб-сајтот за било кој бизнис, без разлика на големината на бизнисот. Но, една од работите која најмногу ме изненадува кај малите бизниси е тоа што многу од нив немаат веб-сајт. Јасно е дека тоа е случај кај нас, и секој бизнис кој нема професионален веб-сајт пропушта да искористи еден од најмоќните маркетинг алати коишто се достапни денес.

Главната причина за да имате веб-сајт е да им олесните на потенцијалните клиенти да ве пронајдат. Денес повеќето луѓе одат онлајн и истражуваат за производите и компаниите кои ги интересираат пред да купат производ, па ако немате веб-сајт пропуштате потенцијална продажба. Дури и клиентите да не се решат да го купат производот онлајн, многу веројатно е дека тие ќе истражуваат на интернет, па затоа морате да имате веб-сајт за овие луѓе да научат повеќе за вашиот бизнис.

Веб-сајтот е важен затоа што му помага на бизнисот да воспостави кредибилитет на пазарот. Како што реков погоре, повеќето потенцијални клиенти можеби слушнале за вас и претпоставуваат дека вие имате веб-сајт, затоа што повеќето сериозни или поголеми компании имаат, па сакаат да дознаат повеќе за вас. За прилично голем број од малите бизниси кај нас не може да се најдат информации за соработка и за тоа какви производи нудат затоа што немаат веб-сајт и без него токму и тоа ќе останат, мал бизнис. Па така, потенцијалните клиенти ќе стекнат впечаток дека сте мала компанија која не го сфаќа бизнисот сериозно, а откако ќе стекнете таква репутација ќе биде многу тешко да остварите продажба.

3

Една од одличните работи кај интернетот е тоа што големината на вашиот бизнис навистина не е важна. Нема никаква причина зошто вие и вашиот веб-сајт не би биле рангирани на Google веднаш до, па и над вашите домашни и интернационални конкуренти и да им украдете од интернет сообраќајот и нивните потенцијални клиенти. Ова е од огромна важност особено за мал бизнис, затоа што денес преку интернетот, полето на игра е изедначено.

Постојат различни причини, но една од главните причини зошто толку голем број на мали бизниси немаат веб-сајт е тоа што многу сопственици на бизниси веруваат дека изработката на професионален веб-сајт е скапа. И логично е сериозен бизнисмен да се запраша “Колку ќе ме чини професионален веб-сајт за мојот бизнис?“.

Цената на еден веб-сајт варира во зависност од компонентите и карактеристиките кои мислите дека му се потребни на истиот за вашиот бизнис да функционира и да продава. Вашиот веб-сајт може да се состои и од само една страница, но тоа не значи дека е и поефтин од оној веб-сајт кој има 5, или 100 страници.

Разликата помеѓу основен промотивен веб-сајт и професионален веб-сајт, кој е спремен во секој момент да изврши продажба, е како разлика помеѓу велосипед и Lexus. И двете превозни средства можат да ве однесат до целта, но едното е значително подобро од другото. Професионален веб-сајт секогаш ќе го победува обичниот промотивен веб-сајт. Ако знаете дека потрошените пари за подобар веб-сајт ќе ви донесат 5-6 пати поголема заработка за вашиот бизнис во наредната година, нема смисла да размислувате дали да ги потрошите нели?

Како што реков и на почетокот, без разлика која големина е вашиот бизнис и колку вработени имате, доколку ве нема на интернет со професионален веб-сајт, голема е веројатноста бизнисот да ви стои во место. Самата цел на веб-сајтот, како бизнис и маркетинг алатка е да донесе повеќе клиенти и да ги задржи постоечките, како и да ја зголеми продажбата а со тоа и растот на вашиот бизнис. Гледајте на веб-сајтот како на ваш вработен, во кој инвестирате и бидете сигурни дека добивате добра зделка без разлика колку сте потрошиле за изработка на истиот.

Share Button