19 ноември 2021, Europe House Скопје

Бесплатна SEO работилница за млади претприемачи

Истражување на клучни зборови

Ќе зборуваме за тоа како да ја анализирате намерата на корисниците кога пребаруваат и како да создадете листа со клучни зборови и фрази за пребарување кои имаат најголема можна шанса за подобрување.

Техничка анализа на веб страна

Ќе ви покажеме бесплатни алатки и додатоци кои може да ги користите за пронаоѓање на технички грешки на вашата веб страна, скршени линкови, 404 страни итн.

On-Page SEO

Ќе зборуваме за оптимална внатрешна структура на сајтот и интерно линкување, оптимизација на брзината, оптимизација на URL-адресите, насловите на страниците, ознаки за насловите, додавање алт описи и мета описи.

Off-Page SEO

Ќе зборуваме за основниот елемент и “горивото” на секоја SEO кампања, а тоа е градењето на линкови (backlinks). Кои се релевантни линкови, а кои не? Ќе презентираме начини и тактики за добивање на линкови од висококвалитетни веб страни.

За кого е наменета оваа работилница?

Оваа работилница е наменета за млади претприемачи кои штотуку започнуваат или започнале сопствен бизнис и се борат да добијат нови клиенти. Работилницата е наменета и за сите млади луѓе кои имаат претприемачки амбиции и идеја за сопствен бизнис, но немаат детално познавање од дигитални маркетинг алатки, и нивно исползување во функција на развој на бизнисот.

Работилницата е целосно бесплатна и нејзини покровители се Тивиус Продукција (во делот со предавањето), и Europe House Скопје (во делот со обезбедување на сала за работилницата).

Настанот има целосно непрофитен карактер и негова главна цел е дигитална едукација на млади постоечки и идни претприемачи од Македонија.

Соочувајќи се со недостиг на големи буџети и средства за маркетинг, секоја мала или компанија во зачеток, мора да најде иновативни начини и алатки за промоција и продажба. SEO е токму една од тие алатки за дигитален маркетинг која, доколку правилно насочена, може да постигне исклучителни резултати и да го поттикне растот на еден млад бизнис.

Агенда

10:00 – 10:15
Регистрација

Регистрација

Регистрација, проверка на сертификати за вакцинација и сместување во салата за работилницата. Препорачливо е секој учесник да си носи сопствен лап-топ за вежбите.

10:15 – 11:15
Панел 1 – Презентација

Панел 1: Презентација

Презентација за 4-те основни елементи на секоја SEO кампања: Истражување на клучни зборови; Техничка анализа на веб страната; On-Page SEO; Off-Page SEO. Можност за прашања и дискусија.

11:15 – 11:30
Пауза

Пауза

Кратка пауза од 15 мин. за освежување на учесниците и полнење на батериите за вториот дел.

11:30 – 12:30
Панел 2 – Работилница

Панел 2: Работилница

Активна работилница и дискусија за подготовка и подобрување на SEO кампањите на секој учесник. Инсталирање бесплатни додатоци, екстензии, програми и апликации за SEO. Секој учесник си креира кратка SEO стратегија, со совети и насоки од предавачот.

12:30 – 13:00
Дискусија и сугестии

Дискусија и сугестии

Разгледување на SEO стратегиите на секој учесник и сугестии за подобрување.

Говорник и модератор

Благој Ѓелевски е ко-основач на Тивиус Продукција, маркетер и веб дизајнер. Има долгогодишно искуство во SEO и изразени резултати. Клучните услуги на неговата компанија излегуваат на првите 3 места на Google според повеќе клучни зборови.

Во 2021-ва година е учесник на онлајн курс за напреден SEO, кој го држи Joshua George, SEO консултант и основач на ClickSlice, една од најпознатите SEO агенции во Лондон.

Моментално работи на повеќе активни проекти и кампањи, воглавно за австралискиот пазар.

Локација

Europe House Skopje – (поранешен ЕУ Инфо центар) е основан од Делегацијата на Европската Унија и се наоѓа на ул. Св. Кирил и Методиј 52б, Скопје-Центар. Повеќе информации на нивната веб страна www.euhouse.mk.

Форма за пријавување

Работилницата е завршена. Погледнете ја галеријата и видеото од настанот.